عرفت الحب بغيابي؟؟عرفت انك معي غلطـان؟
 

جبرك الوقت ترجعلي جبـرك وجيتنـي ندمـان
دمرك الشوق يا خاين وجيـت تسابـق ظلالـك

عرفت الحب بغيابي؟؟عرفت انك معي غلطـان؟
تاكـد مـا يشرفنـي طريـق دربـه وصـالـك

تبي اخضع لاجل عينك وانا ما اخضع ومهما كان
أقـص الـراس قدامـك ولا اخضـع لامثالـك

لعبت بحسبة جروحي وكتبت من الحزن عنـوان
(نسيت الي يحبك موت وصار الغيـر يحلالـك)

اذا غيري تبي قربه وصرت في بحـره الغرقـان
نصيحه لا يموت الحـب ومـن قلبـي هنيالـك

نسيت انك تبيع الحب وتجزا الطيـب بالنكـران
لعلمـك بانـت الصـوره وبانـت نيـة افعالـك

تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك

بعد ما انقلبت الدنيا تجينـي محتـرق ولهـان؟؟؟
تقول ارجوك سامحنـي وقلبـي بداخلـه شالـك

تبي قربي؟؟انا حاضر..ولكن بطلبك مـن شـان
تشوف اشلون لي عزه تـرد الجـرح لاشكالـك

ابي تبكي على شاني..ابي تصرخ من الحرمـان
لو انـي باخـر الدنيـا ...ابيـك تجـر موالـك

ابيك تصير مجنوني ومن شافـك يجـي شفقـان
يقول اشلون؟؟علمني وش الي غيـر احوالـك؟؟

ترى(هتلر)بعـد مجـده تخلـو عنـه الالمـان..
وانا من بعد حبـي لـك تركتـك تقعـد لحالـك

تدل الدرب من دونـي وقدمـك سكـه الاحـزان
توكـل لا تناديني..ويعيـن الله علـى حـالـك

وانا يكفينـي ذليتـك وحديتـك علـى الهجـران
تقول الموت من بعدك..واقـول هنـاك اشوالـك

غسلت ايديني من حبك وبرحل واهجرك يا فلان
فمان الله وباقيلـك نصيحـه وخلهـا فـي بالـك

ترى من يضحك الاول مصيره باللعب خسـران
وانا من يضحك الثاني ..عشان احطـم اماالـك

كلمات قوية وفيها كبرياء

جميلة منك اخي الحب الكبير

دمت بخير

اختي حياه الف شكر على المرور العطر والردود الجميله
ودمتي بحب غالي
وكل عام وانتي بخير يارب
وتقبلي خالص تحياتي يالغلا

الحب الكبير خيي الحب الذي تقول عنه ليس بكبرياء تنطق به
كثير من لايقدر معاني للحب

وكثير من يقسوا ويصير لا يعرف الصح ويخطأ

ولكن علينا ان نعلمه معنى الصح وإذا لم يعرف اتركه يعيش ماساته

فهو الذي سيندم حتماً

ونحن علينا ان نكون خير صحبه والكبرياء هو من صفات الشيطان


فتقدم ببسمة المشفق وقول هذا صنعيك ياصديقي

قسوت علي وضلمتني وربك كريم

دمت في تالق دائم اخي

وكن بخير.

اخي مهوي
انا ليست متكبر على اي شخص مهماكان
والله عدوي الي هو عدوي تلاقيني جالس اضحك وياه
ولن احقد عليه مهما الاسباب
ممكن اتخلا عنه صح بس ليس اتكبر عليه
ولا هو من اطباعي التكبر
والحب امانه مو خيانه
الف شكر اخوي على المرور العطر ودرد
الجميله
وكل عام وانت بخير