منتديات زهرة الشرق

منتديات زهرة الشرق (http://www.zahrah.com/vb/index.php)
-   - التراث الفلسطيني (http://www.zahrah.com/vb/forumdisplay.php?f=84)
-   -   زغاريد فلسطينية وأناشيد (http://www.zahrah.com/vb/showthread.php?t=30919)

حــــر 17-02-07 02:44 AM

زغاريد فلسطينية وأناشيد
 
http://up.alfrasha.com/u/4289/4702/91063.gif


لـِ الـزّغَـارِيْـدِ نَكْهَـة خاصّـة
و حُضُورٌ لا غِنَـىْ عَنْهُـ فِـيْ أيّ
مُناسَبَـة تَخَلّلَهَـا الفَـرَحْـ
إلَيْكُـمـْ مَجْمُوعَـة زَغارِيْـدْ جَمَعتُهَـا
و مَنْ لدَيْهِـ إضَـافَـة لا يَبْخَـلْ عليْـنَـا بِهَـا ,,
,,


آآآآآآآآآآآآآآآآآآآآويــها وبين الجوامع موقوفنا
آآآآآآآآآآآآآآآآآآآويـــها والجوخ الاخضر ملبوسنا..
آآآآآآآآآآآآآآآآآويها لعيونك يا ابو فلان ..
آآآآآآآآآآآويـــها كل العادات من تحت كربوسنا

*****

هاااااهي والكلب بقول عو
هاااااااهي والبسه بتقول ميو
هااااااااااااهي والي بيشوفنا وما بيصلي عالنبي
انشالله مايطلع عليه ضو
لولولوليييييييييييييييييييييييييييش


*****

هااااااهي يا وجه القمر
هاااااهي والغايب من اهلك حضر
هااااهي وماغايب الا الشيطان
هااااهي وماحضر الا الوزر
لولولولييييييييييييييييييييييييش


*****

هاااااهي ياصحتني
هاااااااهي المعبيه بالياسمين
هاهي يا (اسم العريس)يا عريسنا الصغير
لولولوليييييييييييييييييييييييييييييييييييييي ييييي ييش

*****

قـــومـــي معـــي يـــا نعنــــا
ويلــــي بــالـــذهــــب مقمعـــــا
ويخليلـــك أبـــوكـــي وإخـــوانـــك
وتظلّـــي بحيـــاتٌ مـــــدلعــــــــه


*****

أويهـــــا
يــــا قـــاعــدة عـــالمـــراتـــب قعــدة البنـــا
أويهــــا
والكحـــــل بعيــــونـــــك زقفتلـــــوا غنــــــا
أويهـــا
حطّــــي القـــدم عــالقـــدم مـــا سمعتلـــوا رنّــا
أويهــــا
يجعـــل البطـــن يلّــي حملــك مسكنـــوا الجنــة

*****

جيــــت أغنـــي وقبلـــي مــا حـــدا غنـــا
بقــــاع وادي فيــــه الطّيــــــر بيستنــــــا
وريتـــك يـــا بهاء بهــالعـــروس تتهنـــا
وتظــــل ســــالـــم ويظـــل الفـــــرح عنّــا

*****

أويهـــا
زرعنـــا نجــــاصـــــه
أويهـــا
وبــالبحــر غطّــاســـه
أويهـــا
ويلّــي مــا بحبـــك يــا ضيـــاء
أويهـــا
إطـــب بقلبـــو رصـــاصـــة

*****

اويها
اسم الله عليك
اويها
عين الله عليك
اويها
عين الحاسدة تعمى
اويها
والي ما تسمي عليك

*****

اويها...
ضليت أركض ورا الجواد لناسبهم
اويها...
هب الهوى ورماني على مصاطبهم
اويها...
دعيت رب السما ينصرهم
اويها...
نصره عزيزة تجبر بخاطرهم

*****

اويها ...
بمقص الذهب قصلوا يا بشارة
اويها...
لزينة الشباب وزينة الحارة
اويها ...
ان وصفت بالوصف ما وفيت
اويها ...
أمير صغير وتلبقلوا الامارة

حــــر 17-02-07 02:44 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 



..₪.. الزَغَـارِيْـدْ و المْهَـاهَــاة ..₪..



لقد كانت الزغروده او المهاهاة في العرس الخليلي هي التوأم الحقيقي لها في حين كانت الاغنيه تلهي مغننيها و مستمعيها بالاداء و اللحن كانت الزغرودة تعيدهم الى الخلاصه الحقيقية للحدث. و قد لاحظت الباحثه استخدام اهل المدينة كلمة " زغرودة " لتعبر عن النص الشعري او النثري الذي تصدره احدى النساء لتأكيد حدث او شخص او مكان في المدينة و تقابلها المهاهاة في القرية. و قد كانت الزغروده تبدأ ب " أوي ها … ." في حين كانت المهاها تبدأ "هاهي …. " و لعل لهذه صيحة تذكرنا بصيحات النداء في الحرب و النصر التي تنتشر في الشعوب البدائية ، و بذلك هي صيحة تحرر المرأة الخليلية من قيود العادات و التقاليد و الدين مغلفة بالقبول الاجتماعي العام ، وتنقسم هذه الصيحات " الزغاريد و الهماهاة " الى اقسام عديدة تدل عليها و هي :

1.الحدث : فهناك احداث عديدة في الزفاف تحدث للوصول لمرحلة يوم الزفاف تدل عليها الزغرودة و تؤكد على حدوثها و حتى على تفاصيلها و منها على سبيل المثال عند حضور العروس الى بيت العريس :
هاهي الناس لستغنوا خزنوا قمح و زيت و ابو فلان لستغنىجاب العرايس للبيت .

2. عند ازالة العريس الطرحة عن وجهه العروس :
هاهي جلجلي على جلجلي بنت الكرام بتنجلي و السيف حد جبينها و البيت منها بيرهجي .

3. سماح اهل العريس لأهل العروس بأخذ العروس :
خذوها يا دار فلان خذوها و انتو الكسبانين هذي بنت دار ابو فلان بتنهدي للسلاطين .

1. ذكر صفات العروس و التي تؤكد على جمالها و حسبها و نسبها أوي يا يا عروس يا ملكة
يا لـولـو في الشـبكة
يسعد البيت اللي رباكي
و يطرح لعريسك البركة

2. ذكر صفات العريس و توصيته بالعروس
نادولي ها العريس لاقشع حلاته ، و اقشع بياض عنقه مع جوز شاماته
ارفع عينيك و اقشعها ، و كل ما قالتلك كلمه اسمعها
و كل المال اللي حطيتوا ما بيسوى راس اصبعها

3. الاشادة بوالدي العروسين و اقاربهما و الترحيب بالضيوف الكرام ( للعروس ) :
ارفعي راسك منك يا فاخرة زي امك خالتك ما سبوها و لاقالوا عنك

4. الاشارة للدلالات الاجتماعية والسياسية و الرموز الدينية
يا ابو فلان يا شربة البنور و الورد حابك بابها
و حلفوا مشايخ ميس ما يـــشربوا الا مـن بــابها مبارك مبارك سبع بركات كما بارك محمد على جبل عرفات .


زغرودة بالزيت والزعتر
آه هي.. واحنا بنات فلسطين وعن حق وحقيقي
آه هي.. وندوس رقاب العدى ونخليها طريقي
آه هي.. ويا زعتر بلادي ويا رمز العز وسط الحصاري
آه هي.. ولخليك فطوري وغداي وعشايي
آه هي.. وما بفرط بحقي ولو طال الزماني
آه هي.. ولو ذوقوني المر وقطعوا وصالي
آه هي.. ويا قدس الأقداس يا داري
آه هي.. ويا زيتك باركو الرحماني
آه هي.. واحنا بنات فلسطين ما ننسى الأسيري
آه هي.. واحنا بنات خولة واشهد يا ضراري
آه هي.. يا حبابي في العراق لا تعتبوا عليي
آه هي.. والجرح واحد وباذن الله الفرج جايي
آه هي.. ونذرن عليي لاجل القدس وبغدادي
للوك المر ورافق الأحراري ................ لولولولولولو...ليششششششششششششششششش

حــــر 17-02-07 02:45 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 


..₪.. الزَغَـارِيْـدْ و المْهَـاهَــاة ..₪..


المهاهاة هى لون من ألوان الغناء القديم ، ورمز من رموز التراث الشعبي الفلسطيني، وهذا اللون من الغناء تتميز به النساء فقط ، ويغنى هذا اللون فى الافراح والمناسبات السعيدة ، والمهاهاة لها معنى نابع من التراث وواقع الإنسان القروى وحتى المدنى الفلسطينى، ولكل موقف مناسبته و شكله ومعانيه ، وهناك مهاهاة ، للمفاخرة ، ولخطبة العريس ، وللزواج والطهور ، وقدوم الضيوف ، ووقت عقد القران ، وتلبيسة العريس الخ.
وهنا نستذكر ما جمعناه من بعض العجايز الكبار ، وبعض الصبايا اللواتى ما زلن احياء بدون ترتيبها حسب مواقعها ومناسباتها ومنها .


* ايهاى ياهلا وسهلا ياللى جيت هالساعه
ايهاى واسمك ابو فلان وفيدك خاتم الطاعة
ايهاى وحيات انجوم الليل لماعه
ايهاى ما باصبر ع فراقك لا يوم ولا ساعه …

*****

* ايهاى اهلا وسهلا ياذياب بن غانم
ايهاى يامقوى الشدات ياابو الهمايم
ايهاى لولاك ولولا وجودك
ايهاى ان كان ضعنا فى اول الشلاشى …

*****

* ايهاى ياابو فلان يادارنا الواسعه والتجينا حذاك
ايهاى ياورد جورى فتح كل يوم نداك
ايهاى أسألت رب السما يقل عداك
ايهاى ويصبر عليك الزمان لما تنول مناك …

*****

* ايهاى يابى فلان ياشاشى على راسى
ايهاى يادارنا الواسعه يا برجنا العالى
ايهاى ما قلتلك ياخوى وردها على القاسى
ايهاى وملى قلوب العدا بارود ورصاصى …

*****

* ايهاى صحن رايب
ايهاى عليه السمن ذايب
ايهاى شوباش لاابو فلان
ايهاى عمنو فى الغربه غايب …

*****

* ايهاى ارفعى راسك يا مرفوعة الراسى
ايهاى لافيكى عيبه ولا مقولة الناسى
ايهاى ارفعى راسك لبيك وقوليلو
ايهاى احنا بنات فلسطين ما يغلى علينا غالى …

*****

ايهاي ارفعي راسك ياأصيلة
ايهاي والخلفة نتك زينة
ايهاى وان جبتى ولد يطلع لخالو
ايهاى وان جبتى بنت تطلع لستها أصيله …

*****

* ايهاى ياريتها مبروكه
ايهاى سبع بركات
ايها كما بارك محمد
ايهاى على جبل عرفات …

*****

* ايهاى ياعريس لاتعبس
ايهاى ومن خاص الذهب لبس
ايهاى وهذى عروستك بنت عمك
ايهاى ترفع راسك فى كل مجلس …

*****

* ايهاى وين رايحه تروحى ياللى روحى وروحك روح
ايهاى ياللى هدومك على بدنك بترد الروح
ايهاى والله لاكتب اسمى واسمك واعلقو فى لوح
ايهاى واعلقو فى الهوا لاجل البكى والنوح …

*****

* ايهاى وهذى حمرا وخضرا من خيول ذياب
ايهاى يركبها الهاشمى عمنو جيد الخال
ايهاى من هو خالك يالباس الدروعا
ايهاى خالى ابو فلان ومقوى شهاماتى …

*****

* ايهاى ابو فلان واولادو
ايهاى مثل الصوان فى اوتادو
ايهاى مسمار من عند الحداد
ايهاى يقلع عين حسادو …

*****

* ايهاى ياابو فلان ياكبيرنا
ايهاى ياململم عشيرنا
ايهاى انشاءالله بظلك طيب
ايهاى حتى تجوز كبيرنا وصغيرنا …

*****

* ايهاى فلان خطب وجوز
ايهاى وفلان على نيه
ايهاى وفلان يا عقد لولو
ايهاى على صدر كل غاويه …

*****

* ايهاى العرس ما هو فرحه
ايهاى ولاطهور الصبيان
ايهاىوالفرحه زيارة محمد
ايهاى عليه الصلاة والسلام …

*****

* ايهاى طارت الحمامه
ايهاى وهدت ع اللمامه
ايهاى يارب تشفى جرحانا
ايهاى وتروحهم بالسلامه …

*****

* ايهاى ياناس قولو قولو
ايهاى ايش ماقلتو قولو
ايهاى ابو فلان ياشك الذهب
ايهاى ومطعم باللولو…

*****

* ايهاى ثلاث حمامات برعن فى طريق الدير
ايهاى معهن شبيب اسمرانى حسو يناغى الطير
ايهاى بالاخص للبس الجوخه وحط السير
ايهاى وهذا ابو فلان مسولى عليه بالخير …

*****

* ايهاى ثلاث حمامات برعن فى ورق حنه
ايهاى لاهن مرعيات ولامبعدات عنا
ايهاى يابى فلان لن راح الطلب منا
ايهاى راحو مجاريح يشكو من فعايلنا …

*****

* ايهاى خياره وكوسا
ايهاى وكاسات مرصوصه
ايهاى وهذا الفرح عندنا
ايهاى عقبال عند اهل العروسه …

*****

* ايهاى يافلان يا شربة الذهب
ايهاى والمسك على بابها
ايهاى حلفت شباب فلسطين
ايهاى ما تشرب الا ابها…

*****

* ايهاى الحمد لله عمرت دور اهالينا
ايهاى وتمايل الفرح فيها كيف ما مالى
ايهاى وحياة روس الشباب نقالة الزينا
ايهاى ما صار ع الصاحب شده وتخلينا …

*****

* ايهاى تفاح بيارى
ايهاى وعليه الميه جارى
ايهاى واحنا بنات فلسطين
ايهاى ما يغلى علينا غالى …

*****

* ايهاى شقحنا بطيخه
ايهاى طلعت حمره ومليحه
ايهاى واللى تهمت فلان
ايهاى يبلاها بالفضيحه …

**

حــــر 17-02-07 02:47 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
.. الزَغَـارِيْـدْ و المْهَـاهَــاة ..₪..



ايهاى وحد ربك ياغفلان
ايهاى على كل من صبر ونال
ايهاى لابد الحزين ما يفرح
ايهاى ويقضى العمر فرحان


ايهاى ماشفت محمد يتخطم من قفا الصيوان
ايهاى مشياتو يتخطم ويمشى مشية الحكام
ايهاى رفع عن يمينو شاشت العربان
ايهاى اشرب عوافيك ياللى ماسك الفنجان


ايهاى لولا ابو محمد مارفعت انا راسى
ايهاى ولا البست الثوب باربع حواشى
ايهاى لولا ابو محمد ولولا وجودوا
ايهاى لكان ضعنا فى اول الشلاشى


ايهاى مع السلامه ياجملة حبايبنا
ايهاى ياللى على افراقو هالن مدامعنا
ايهاى انتو الله يساهل عليكو
ايهاى واحنا الله يصبرنا


ايهاى لاهو بقول النذل ولا بقول اللاش
ايهاى ولابقول النذل يرخص بنات الناس
ايهاى ايهاى ولاهو بقولك ياموكوس توكسنا
ايهاى واحنا البربراويات وكل الناس تعرفنا



ايهاى واحنا البرابره من حق وحقيق
ايهاى ياخيول اهلنا ترعى فى المشاريق
ايهاى ياطلة محمد ع العرب بتنشف الريق
ايهاى حتى كلامو يخرط فى المعاليق

ايهاى واحنا البرابره مين يقدر يحاصرنا
ايهاى ياحاملين البارود على كتوفتنا
ايهاى اسالت رب السما من فوق ينصرنا
ايهاى نصره عظيمه تجبرلى خواطرنا


ايهاى لاتحسبونا من الهجره ذلينا
ايهاى واحنا البرابره والشور فى ايدينا
ايهاى وحياة روس الشباب نقالة الزينا
ايهاى ماسارت شده على فلسطين واتخلينا



ايهاى وكتيش يغيب القمر وارميلك المفتاح
ايهاى وادخلك جنينة ابى وشممك لرياح
ايهاى يازارعين البلح وازرعوا التفاح
ايهاى دار العشق فى البلد وانا صبى فلاح



ايهاى واحنا البربراويات جد بجد
ايهاى زى خيل الاصايل كاملات العده
ايهاى واللى يناسبنا ويوخذ بنتنا
ايهاى يهيل الذهب ع روسنا بالمده




ايهاى الثنين هالثنين دام الله هالثنينى
ايهاى ابو محمد على الراس وابو احمد على العينى
ايهاى نذر على ان ظلولى هاثنينى
لجيب للدار طبليني وزمريني



ايهاي يابي محمد ياقرنفل ملات ايدي
ايهاى طعام للزاد ياخلفة الاجاويدى
ايهاى نذر على ان جاك الفرح ياسيدى
ايهاى لجيبلك مغنى يغنيلك تراويدى


ايهاى بقيت نايم وملقى الهم ع صدرى
ايهاى يتحدثوا فى الشوار وانا ماادرى
ايهاى لما كبر محمد واشتد ظهرى

الساهد 17-02-07 11:31 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
اوييييييييها عافاك ياحر عافاك
اويييييييها واللي مابحبك لايقرب تلاك
اويييييييها يغور ويغص باله
اوييييييها واحنا الحبايب دايمن معاك
للللللللووووووووولللللللللللللللللللللييييي

هههههههههه
كيف بعرف اول مره بسويها
تشكر على مواضيعك بدنا نعرف انجوز ولادن
يعني بلا ما نستورد عادات
يعطيك الف عافيه

جارة القمر 17-02-07 11:47 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
اويها ...
بمقص الذهب قصلوا يا بشارة
اويها...
لزينة الشباب وزينة الحارة
اويها ...
ان وصفت بالوصف ما وفيت
اويها ...
أمير صغير وتلبقلوا الامارة


أويهــــا
ارفـــع عينـــك يــا أنــس واقشعهــــا
أويهـــا
وكـل مـا قلتلـك كلمـي إسمعهـــا
أويهــا
وكـــل المـال يلّـــي حطيتـــوا
أويهــا
مــا بيســــوى راس أصبعهــــا


اويها ويا صحن تين
اويها ومجلل بالياسمين
اويها وعروستنا زغيره
اويها وما طبقت العشرين
لولولولويششششششششش




الرائع والمتألق دوماً أنا حر
سلمت يمنــاك على هذا الموضوع الرائـع جدا جدا
سلمت وجعل الله ايامك كلها افراح .


.

حــــر 17-02-07 11:50 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
له يارجل شو بتحكي انت ؟

خلينا نجوزك انت بالاول وبعدين نفكر باولادك ههههههههههه

لايكون خايف من المدام ؟


شكرا الك الساهد على مرورك

حــــر 17-02-07 11:53 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
شكرا الك ياجارة القمر

والله هالزغاريد عشت فيها جو رهيب وانا بقراها ..

الله يجعل ايامنا كلها افراح


دمتي بحب الوطن

جارة القمر 17-02-07 12:01 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
وهاي الزغرودة مني لأبنك ماهر بمناسبة عيد ميلاده اليوم

اويها يا ماهر ريتو مبارك

اويها يا ماهر السبع بركات

اويها ان شالله لما تكبر

اويها بتكمل الفرحات


اويها .. ياعرق الماس..

اويها .. ومشكول بالراس..

اويها .. و ماهر زين الاولاد

اويها .. وصلو على النبي يا ناس..

لولولولولولش





حــــر 17-02-07 12:05 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
ههههههههههههههههههههههههههههههههه جاره

طيب زغردي لابوه كمان ويكونوا الاتنين بنفس اليوم ههههههههه

عليه افضل الصلاة والسلام

الله يسعدك ياجارة والله يديم الافراح كمان وكمان على الجميع .. وتفرحي بطفلتك

دمتي بحب الوطن

حياة 17-02-07 08:18 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
لوليييييش

حلووو كثير

شكرا اخي حر انا

فرح.. 17-02-07 08:23 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
هههههههههههههههههههههههههههههههههه
ههههههههههههههههههههههههههههه
ههههههههههههههههههههههه
هههههههههههههههه
ههههههههه
شو قصتك عمو حر مع الزغاريد

حــــر 18-02-07 07:54 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
لولولوليش هاي تبعت الفلاحين

الغزازوه بحكو لولولولولييييييييييييي ههههههه

يسلموا حياة على مرورك


دمتي بود

حــــر 18-02-07 07:56 PM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
اول شي شو هاي عمو ؟ لايكون بدك تكبريني وتصغري حالك ؟

لا ستوو انا بعدني بعز شبابي هع

والله يافروووحه اكتير مبسوط وانا بقرا فيها .. بجد حلوه اكتير

يسلموا فروحه على مرورك

جارة القمر 19-02-07 11:19 AM

رد: ᆻ زَغَارِيْـدْ وْ مْـ هَـاهَـاة فِلِسْـطِيْنِيّـة رَائِـ عَـة00 لـِ أفْـرَاحِكُـم
 
هالموضوع مش عارفة ليه كل ما أمر عليه شىء بشدني اليه بقوة

ممكن يكون لالا بل هو أكيد شدة الشوق والحنين للوطن http://www.zahrah.com/vb/images/icons/icon9.gif

وراح أشارك بــ

زغرودة بالزيت والزعتر

آه هي.. واحنا بنات فلسطين وعن حق وحقيقي

آه هي.. وندوس رقاب العدى ونخليها طريقي

آه هي.. ويا زعتر بلادي ويا رمز العز وسط الحصاري

آه هي.. ولخليك فطوري وغداي وعشايي

آه هي.. وما بفرط بحقي ولو طال الزماني

آه هي.. ولو ذوقوني المر وقطعوا وصالي

آه هي.. ويا قدس الأقداس يا داري

آه هي.. ويا زيتك باركو الرحماني

آه هي.. واحنا بنات فلسطين ما ننسى الأسيري

آه هي.. واحنا بنات خولة واشهد يا ضراري

آه هي.. يا حبابي في العراق لا تعتبوا عليي

آه هي.. والجرح واحد وباذن الله الفرج جايي

آه هي.. ونذرن عليي لاجل القدس وبغدادي

للوك المر ورافق الأحراري ................

لولولولولولو...لي...

لي عودة أخرى لك يا نسيم بلادي الحلووووو



الساعة الآن 05:15 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.